.jpeg)
12 واں عرس حضرت شفیقُ المِلّت ؒ 2026
کراچی: روحانیت، محبتِ الٰہی اور فیوضِ اولیاء سے معطر ایک باوقار اور پُرنور تقریب بعنوان “تقریبِ یادِ تقرّبِ حق و وصالِ بحق” بروز منگل، 7 اپریل 2026 بمطابق 18 شوال المکرم 1337ھ، خانقاہِ نظامیہ گلزارِ سعیدیہ، پاپوش نگر ناظم آباد کراچی میں نہایت عقیدت و احترام کے ساتھ منعقد ہوئی۔
یہ روحانی اجتماع قطبِ زمان، صاحبِ نفسِ مطمئنہ، حضرت شفیقُ المِلّت مخدوم قاضی شاہ شفیق احمد فاروقی القادری، چشتی، نظامی، صابری و نقشبندی گھاٹمپوری ثمّ کانپوری ثمّ مدنی قدس اللہ سرہ العزیز کے وصالِ مبارک کی یاد میں منعقد کیا گیا، جس میں عقیدت مندوں، علماء کرام، مشائخِ عظام اور وابستگانِ سلسلہ نے کثیر تعداد میں شرکت کی۔
تقریب کی صدارت زیرِ فیضان و سایۂ شفقت، اعلیٰ حضرت الحاج خواجہ شاہ سعید الدین احمد فاروقی رحمۃ اللہ علیہ کے روحانی سلسلہ سے وابستہ مشائخ نے کی، جبکہ محفل کا آغاز تلاوتِ کلامِ پاک اور نعتِ رسولِ مقبول ﷺ سے ہوا۔ بعد ازاں علماء و مشائخ نے اپنے خطابات میں حضرت شفیقُ المِلّتؒ کی دینی، روحانی اور اصلاحی خدمات کو خراجِ عقیدت پیش کرتے ہوئے کہا کہ آپؒ نے اپنی حیاتِ مبارکہ کو اشاعتِ دین، تزکیۂ نفس اور خدمتِ خلق کے لیے وقف کر رکھا تھا۔
مقررین نے کہا کہ حضرت شفیقُ المِلّتؒ کی تعلیمات آج بھی سالکینِ راہِ طریقت کے لیے مینارِ نور کی حیثیت رکھتی ہیں، اور آپؒ کا فیضان آج بھی جاری و ساری ہے۔ محفل میں ذکر و اذکار، درود و سلام اور خصوصی دعا کا اہتمام بھی کیا گیا، جس میں امتِ مسلمہ کی فلاح، ملکِ پاکستان کی سلامتی اور عالمِ اسلام کے استحکام کے لیے خصوصی دعائیں مانگی گئیں۔
تقریب کے اختتام پر شرکاء میں لنگرِ نیاز بھی تقسیم کیا گیا، جبکہ مجموعی فضا روحانیت، محبت اور عقیدت کے رنگ میں ڈوبی ہوئی نظر آئی۔ یہ بابرکت اجتماع اہلِ دل کے لیے تجدیدِ عہدِ وفا اور نسبتِ اولیاء سے وابستگی کا ایک خوبصورت مظہر ثابت ہوا۔
.jpeg)
0 Comments